وہ استاد میرے، دل و جاں کی راحت | استاد کے احترام میں ایک خوبصورت کلام | poetry for teachers in urdu

وہ استاد میرے، دل و جاں کی راحت
انہی سے ملی ہے یہ راہ سعادت
انہوں نے بتایا ہے گر زندگی کا
انہی کے ہی دم سے تو پائی ہے عظمت

انہوں نے ادب کا قرینہ سکھایا
ہمیں کامیابی کا زینہ دکھایا
کٹھن راہ پہ جب بھی کٹھن وقت آیا
ملی رہنمائی دعاؤں کی صورت

انہوں نے میرے قلب و جاں کو سنوارا
عقیدت کا ہر نقش دل میں اتارا
میری سوچ کے زاویوں کو نکھارا
میں جو بھی ہوں سب ہے انہی کی ریاضت

کہ خون جگر دے کے سینچا چمن کو
دیا ہے شعور و علم ہر ذہن کو
تناور بنایا ہر اک گلبدن کو
یہ استاد باپ اور ماں کی ہیں صورت

زباں پہ انہی کے لیے ہیں دعائیں
دلوں میں انہی کے لیے سب وفائیں
کبھی ان کو صفدر نہ ہم بھول پائیں
اے مولا سدا ان کو رکھنا سلامت

وہ استاد میرے، دل و جاں کی راحت
انہی سے ملی ہے یہ راہ سعادت
انہوں نے بتایا ہے گر زندگی کا
انہی کے ہی دم سے تو پائی ہے عظمت

شاعری : سلیم اللہ صفدر

آپ استاد ہیں آپ سے پیار ہے | استاد پر شاعری

teachers day poetry in urdu | teacher respect poetry in urdu | poetry for teachers in urdu | Urdu poetry about teacher | Urdu poetry for teachers