تم پر یہ بالیقین ہے احسان کر دیا رب نے تمہیں بھی حافظ قران کر دیا | حفظ قران پر شاعری

تم پر یہ بالیقین ہے احسان کر دیا
رب نے تمہیں بھی حافظ قران کر دیا

خوش قسمتی ہے تیری خدا نے عطا یہ کی
محفوظ تیرے سینے میں فرقان کر دیا

کوئی کلام اس کے مقابل کہیں نہیں
رب نے اسے کلاموں میں سلطان کر دیا

اپنا کلام رب نے نبی  کی زبان سے
خلقت پہ اس کو بھیج کے احسان کر دیا

قرآن دے کے رب نے دیا ہے بیاں ہمیں
اشرف سبھی سے اس لئے انسان کر دیا

قران کا ہی رستہ ہے سیدھا سنو یہ بات
چھوڑا اسے تو جس نے ہے ، نقصان کر دیا

اظہر خدا کا شکر کرو تم ادا سدا
اللہ نے زندگی کو ہے آسان کر دیا

تم پر یہ بالیقین ہے احسان کر دیا
رب نے تمہیں بھی حافظ قران کر دیا

شاعری: ڈاکٹر محمد اظہر خالد

قرآن کو سینوں میں ہم ایسے بسائیں گے | عظمت قرآن پر اشعار

حافظ قرآن کے ہیں قرآن کے محافظ ہم رب کے ہیں سپاہی ایمان کے محافظ

poetry for hafiz quran | hafiz e quran poetry | azmat e quran poetry in urdu,