پیارے آقا کے صحابہ میں جلی عثمان ہے
بعد بوبکر و عمر کے وہ غنی ، عثمان ہے
پیار کرتے تھے ابوبکر و عمر ان سے بہت
بعد دونوں کے خلافت ہے ملی ، عثمان ہے
سارے شاتم سارے کاذب سن لیں میرا یہ پیام
پیارا پیارا بھائی جس کا ہے علی ، عثمان ہے
دے کے آقا ﷺ نے جسے دو بیٹیاں سمجھا دیا
کتنا پیارا دوہرا داماد نبی ، عثمان ہے
پیارے آقا ﷺ نے دعائیں دیں سخاوت پر جسے
سب صحابہ میں نمایاں وہ سخی ، عثمان ہے
جس کو جچتا ہے یہ مظلوم مدینہ کا لقب
وقت رخصت تھی کتاب رب کھلی ، عثمان ہے
ان کی مدحت میں قصیدہ میں یہ اظہر لکھ رہا
میری آنکھوں میں بھی آئی ہے نمی ، عثمان ہے
پیارے آقا کے صحابہ میں جلی عثمان ہے
بعد بوبکر و عمر کے وہ غنی ، عثمان ہے
اگر آپ مزید مناجات، حمدیہ اشعار، نعت شریف یا شان صحابہ پر کلام پڑھنا چاہتے ہیں تو یہ لازمی دیکھیں
