تیری آواز کی ضرورت ہے اک نئے ساز کی ضرورت ہے | اردو غزل محبت | sad ghazal in urdu

تیری آواز کی ضرورت ہے
اک نئے ساز کی ضرورت ہے

دل پہ چسپاں یہ اشتہار کِیا
مجھ کو ہم راز کی ضرورت ہے

حُسن ویسے تو بام پر ہے ترا
بس ذرا ناز کی ضرورت ہے

بھانپ سکنا شکار لمحوں میں
تیر انداز کی، ضرورت ہے

اچھا انجام چاہتے ہو تم؟
اچھے آغاز کی ضرورت ہے

عشق میں بزدلی نہیں چلتی
اِس میں جاں باز کی ضرورت ہے

کیوں بھلا ساز گار دنیا کو
مجھ سے ناساز کی ضرورت ہے

بعض یاروں سے باز رہتا ہوں
اور مجھے بعض کی ضرورت ہے

تھک گیا ہوں میں اب اشاروں سے
مجھ کو الفاظ کی ضرورت ہے

تیری آواز کی ضرورت ہے
اک نئے ساز کی ضرورت ہے

شاعری : ثمر جمال

اُس کے پاس جانے سے، راحتیں تو آئیں گی | محبت پر اشعار

اگر آپ مزید غزلیہ شاعری پڑھنا چاہتے ہیں تو یہ لازمی دیکھیں 

sad ghazal in Urdu text | sad poetry in Urdu ghazal | emotional sad ghazal in Urdu | best urdu ghazal lyrics| sad urdu ghazal lyrics