صورت ہے لاجواب تو سیرت ہے لاجواب
وہ آخری نبی ہیں نبوت ہے لاجواب
قرآن کی زباں پہ ہے مدحت حضور کی
قرآن نے جو کی ہے وہ مدحت ہے لاجواب
محبوب کبریا وہی سرتاج انبیا
عظمت ہے لاجواب فضیلت ہے لاجواب
عشقِ نبی کے جام شب و روز پیجئے
عشق نبی کے جام کی لذت ہے لاجواب
اللہ نے حبیب بھی اپنا ہمیں دیا
احساں ہےلاجواب عنایت ہے لاجواب
قسمت سے مل گئی ہے قیادت حضور کی
قسمت ہے لاجواب قیادت ہے لاجواب
لیتے ہیں دشمنوں سے بھی وہ درگزر سے کام
امجد مرے حضور کی رحمت ہے لاجواب
صورت ہے لاجواب تو سیرت ہے لاجواب
وہ آخری نبی ہیں نبوت ہے لاجواب
شاعری : محمد امجد اکبر
مصطفی آئے تو ہو گئی روشنی | نعت رسول مقبول
وہ ہیں خیرالبشر، وہ ہیں خیر الامم | رحمت عالم پر اشعار
اگر آپ مزید حمدیہ اشعار، نعت شریف یا شان صحابہ پر کلام پڑھنا چاہتے ہیں تو یہ لازمی دیکھیں
If you want to read more lyrics of naats please click
naat poetry in urdu | poetry for naat in urdu | poetry for naat | naat written in urdu | naat poetry in urdu text
