پیارے نبی ہیں سارے زمانے کے واسطے
رب نے چنا پیام سنانے کے واسطے
قسمیں خدا اٹھاتا ہے قرآں میں دیکھ لو
رفعت نبی کی سب کو بتانے کے واسطے
معراج پر خدا نے نبی کو نشانیاں
خود ہی بلا لیا تھا دکھانے کے واسطے
رب سے دعائیں کرتے بہت ہیں دیوانے ہم
گھڑیاں مدینے میں ہی بتانے کے واسطے
فضل خدا سے نعت ہیں کہتے جہان میں
حب نبی دلوں میں جگانے کے واسطے
پیارے نبی کی نعت ہی لکھتے ہیں رات دن
دیوان اپنے ہم بھی سجانے کے واسطے
اظہر نبی کو نعت سنائیں بہشت میں
تیاری کر لیں ہم بھی ٹھکانے کے واسطے
پیارے نبی ہیں سارے زمانے کے واسطے
رب نے چنا پیام سنانے کے واسطے
شاعری : ڈاکٹر محمد اظہر خالد
دور سارے ہی جہانوں سے اندھیرا ہو گیا| اردو نعت
حوض کوثر پہ حال کیا ہو گا جب نبی جی سے سامنا ہو گا | حوض کوثر پر نعتیہ اشعار
If you want ot read more naat lyrics in Urdu please click
naat poetry in urdu two lines | 2 line poetry for naat in urdu text | naat poetry in urdu | naat lyrics in urdu || naat poetry in urdu text
