موت پر جانے حال کیا ہو گا
گر تو غفلت میں ہی جیا ہو گا
ظلم ڈھاتا رہا تو اپنے پر
آخری وقت پھر برا ہو گا
سوچ وہ وقت کر لے تیاری
قبر میں تنہا جب پڑا ہو گا
ہو گا انجام بھی ترا اچھا
گر عمل اچھا کچھ کیا ہو گا
زندگی اک نئی ملے گی تجھے
رب کے رستے میں گر مرا ہو گا
پیارے آقا سے پائے گا کوثر
ان کے رستے پہ گر چلا ہو گا
بخش دینا خدایا اظہر کو
تیرے آگے یہ جب کھڑا ہو گا
موت پر جانے حال کیا ہو گا
گر تو غفلت میں ہی جیا ہو گا
لگی ہے دوڑ یہ دھوکے کا گھر بنانے کی | فکر آخرت پر کلام
اگر آپ مزید فکر آخرت پر کلام پڑھنا چاہتے ہیں تو یہ لازمی دیکھیں
sad urdu poetry about death | urdu poetry about death | death poetry in urdu
