ہم دفاع پاکستان کے لئے ہر دم تیار
رب کی نصرت جذبہ ایمان سے ہم ہیں سرشار
ہم ہیں جس کے پاسباں وہ پاسباں اسلام کا
میرا ملک ِ پاک تو ہے ترجماں اسلام کا
اک طوفان ِ کفر میں ہے یہ نشاں اسلام کا
گر ضرورت ہو تو کر دیں زندگی بھی اس پہ وار
دوستی کے ان لبادوں میں چھپے آئے قاتلو
میری دھرتی پہ جو حملہ ور ہو تم آئے بھیڑیو
اب تمہارا وقت ِآخر آ گیا یہ جان لو
جان لے لیں گے تمہاری رب کے دیں کے جانثار
میرے گلشن کی بہاروں کا سفر مت روکنا
کیسے خوشبو ِچمن پھیلی ذرا یہ سوچنا
جانچ لو افغان بھی اور ہند کو بھی دیکھنا
ہر خزاں کو مات دے جائے گی اپنی یہ بہار
ایک دن ہر چال دشمن کی فنا ہو جائے گی
رب سے ہے امید فتح اپنے حصے آئے گی
ہر جبیں خاک ِحرم سے آشنا ہو جائے گی
میرا ملک ِ پاک پھر پائے گا دنیا میں وقار
ہم دفاع پاکستان کے لئے ہر دم تیار
رب کی نصرت جذبہ ایمان سے ہم ہیں سرشار
شاعری : سلیم اللہ صفدر
اگر آپ پاکستان کے لئے مزید اشعار پڑھنا چاہتے ہیں تو یہ لازمی دیکھیں
ہزاروں دکھ ہیں دنیا کے، مگر ہے مان پاکستاں
