بھاتی نہیں وفائیں مرے چارہ گر مجھے | اردو غزل |attitude poetry in urdu

بھاتی نہیں وفائیں مرے چارہ گر مجھے
لگتا ہے اب تو عشق بھی شعلہ شرر مجھے

جس دن شعور جھانکے گا گفتار سے مری
رستے میں چھوڑ دیں گے مرے ہم سفر مجھے

الٹی پڑی ہیں چالیں مقدر کے موڑ پر
بے داغ کر گۓ ہیں رقیبوں کے شرمجھے

منظور تھی کسی کو نہ یہ دلبری مری
اب معجزہ سمجھتے ہیں اہلِ نظر مجھے

شامل ترے فسانے میں کردار ہے مرا
اس کھیل نے کیا ہے بڑا دربدر مجھے

سن کر دروغ گوئی مرے ہمنشین کی
آنکھیں دکھا رہے ہیں یہ شمس و قمر مجھے

پانی نہیں لہو سے کیا گلستاں کو تر
کیسے نہ دیتے میٹھے ثمر پھر شجر مجھے

گرداب کا حصار مرے کام آگیا
آفات سے نکالے ہے دیکھو بھنور مجھے

سیرت پہ اب تو میری بغاوت کی مہر ہے
یعنی مٹا رہے ہیں سبھی فتنہ گر مجھے

بھاتی نہیں وفائیں مرے چارہ گر مجھے
لگتا ہے اب تو عشق بھی شعلہ شرر مجھے

شاعرہ: ثوبیہ راجپوت

لفظ ساتھ دیں اگر تو زندگی ہے شاعری | خوبصورت اردو شاعری

بہاریں، پھول، خوشبوئیں، فضائیں، بھول جاتا ہوں

اگر آپ مزید خوبصورت اردو شعر و شاعری پڑھنا چاہتے ہیں تو یہ لازمی دیکھیں

attitude poetry in urdu 2 lines text | poetry in urdu 2 lines attitude | poetry in urdu attitude