آزادیوں کے کارواں رکتے بھلا ہیں کب کہاں | یوم پاکستان پر اشعار

آزادیوں کے کارواں رکتے بھلا ہیں کب کہاں
رب کی مدد ہو ساتھ جب پاتی ہیں قومیں پاکستاں

اُس سمت ہندو سازشیں، انگریز کا مکر و ستم
اِس سمت اک مرد ِمجاہد کا عزم کوہ ِگراں

لاکھوں ستارے جب چھنے صبح ِ وطن روشن ہوئی
قربانیوں کے بطن سے پیدا ہوئی آزادیاں

اہل ِجنوں ہمت کے دریا پار کر کے چل دئیے
اہل ِخرد منجدھار میں گنتے رہے سود و زیاں

اِس خاک ِپاکستان سے کتنے گہر پیدا ہوئے
روشن ہوئے جن کی دمک سے یہ زمین و آسماں

اس خاک پاکستان سے لشکر اٹھیں گے ایک دن
لرزیں گے جن کے قدموں کی ٹھوکر سے طاغوتی ایواں

رکھنا سلامت تا قیامت میرے رب اس ملک کو
کافر کی آنکھوں کی کھٹک مسلم کا ہے یہ پاسباں

آزادیوں کے کارواں رکتے بھلا ہیں کب کہاں
رب کی مدد ہو ساتھ جب پاتی ہیں قومیں پاکستاں

شاعری : سلیم اللہ صفدر

اگر آپ پاکستان کے متعلق مزید شاعری پڑھنا چاہتے ہین تو یہ لازمی دیکھیں