![اے لوگو سبھی متحد تم ہو جاؤ کہ جنت کی وادی کو جنت بناؤ | انقلابی اشعار](https://amazingurdu.com/wp-content/uploads/2024/06/inqalabi-poetry-in-urdu-about-unity-Azad-kashmir-750x430.jpg)
اے لوگو سبھی متحد تم ہو جاؤ کہ جنت کی وادی کو جنت بناؤ | انقلابی اشعار
urdu poetry text | inqalabi shayari urdu | inqalabi poetry in urdu
اے لوگو سبھی متحد تم ہو جاؤ
کہ جنت کی وادی کو جنت بناؤ
خزاں کے پجاری شیطاں کو بھگاؤ
بہار اخوت سے گلشن سجاؤ
وہ صیاد کو سبق ایسا سکھا دو
قفس توڑ کر سارے پنچھی اڑا دو
عداوت کی ہر اگ کو اب بجھا دو
حسیں وادیوں میں محبت آگاؤ
کبھی کم نہ ہو جدوجہدِ آزادی
ہر اک قلب مسلم میں کر دو منادی
کبھی آٹھ نہ پائےکوئی بھی فسادی
ہر اک قلب دشمن پہ بجلی گراؤ
تری خدمتیں ہوں تو اپنوں کی خاطر
مگر ضرب کاری ہو دشمن کے سر پر
کوئی جم نہ پائے ترے راستے میں
مقابل پہ تم گھات ایسی لگاؤ
کرو خدمتیں اور پاؤ دعائیں
تمہاری ہیں سب منتظر آج مائیں
جمی ہیں افق پر کہ جن کی نگاہیں
امید مسرت انہیں تم سناؤ
یہ شاداب و زرخیز گلشن تمہارے
حسین وادیوں کے سبھی یہ نظارے
محبت کے رنگ اور اخوت کے دھارے
ہمیشہ بہاروں میں تم مسکراؤ
اے لوگو سبھی متحد تم ہو جاؤ
کہ جنت کی وادی کو جنت بناؤ
خزاں کے پجاری شیطاں کو بھگاؤ
بہار اخوت سے گلشن سجاؤ
شاعری: سلیم اللہ صفدر
ہم متحد اگر ہوں سارا جہاں ہمارا چین و عرب فلسطیں ہندوستاں ہمارا | انقلابی اشعار
urdu poetry text | inqalabi shayari urdu | inqalabi poetry in urdu | inqlabi poetry in urdu