مجھ پہ بھاری ہوئیں میری فرمائشیں
بوجھ سی ہوگئیں بے سبب خواہشیں
کیسے کہدوں میں غیروں سے جینے نہ دیں
میرے ہمدرد و ہمفکر کی سازشیں
رات دن بس یہی غم نے گھیرا مجھے
چھین لے نہ کوئی میری آسائشیں
ایک غلطی کی پاداش میں آج تو
سب سے اوجھل رہیں سب مری کاوشیں
زندگی کے جہاں میں مِرے آجکل
اک طرف دھوپ ہے اک طرف بارشیں
یہ جہاں معاف کرنے سے واقف نہیں
اے خدا معاف کردے میری لغزشیں
مجھ پہ بھاری ہوئیں میری فرمائشیں
بوجھ سی ہوگئیں بے سبب خواہشیں
راحتیں دیجیے نعمتیں دیجیے اے خدا رزق میں برکتیں دیجیے | دعائیہ اردو کلام
اگر آپ مزید دعائیہ کلام یعنی مناجات پڑھنا چاہتے ہیں تو یہ لازمی دیکھیں۔
dua poetry in urdu | dua poetry in urdu 2 lines | heart touching poetry in urdu
