وطن عشق میرا وطن جان و دل | وطن کی محبت پر اشعار | poetry about pakistan in urdu

وطن عشق میرا وطن جان و دل
وطن روح میری وطن جستجو
وطن کے لیے اپنا تن من فدا
وطن میری الفت وطن آبرو

وطن میرے ایمان کی شان ہے
یہ امن و اخوت کی پہچان ہے
وطن میرا توحید کی سان ہے
جہاں میں محبت کا اعلان ہے

وطن میرا حق کی اذان سحر
وطن اہل باطل پہ اک وار ہے
وطن روشنی سے منور چمن
وطن ظلمتوں پہ کڑی مار ہے

وطن رب کی طاعت وطن بندگی
وطن ایک نعمت وطن زندگی
وطن رب کی خاطر ہی قائم رہے
وگرنہ وطن ہو گا شرمندگی

وطن لا الہ کی تصویر ہے
یہ آباء کے خوابوں کی تعبیر ہے
لہو سے شہیدوں نے جو لکھ دیا
یہ خون_مقدس کی تحریر ہے

وطن ایک وعدہ وفا کا بھی ہے
نظام بدی سے جفا کا بھی ہے
وطن کو سنواریں نبھائیں عہد
کہ مومن کا شیوہ حیا کا بھی ہے

چلو تخت پہ دین احمد کریں
وطن کو سنواریں نئے جوش سے
کریں ہم صفایا ہر اک ظلم کا
وطن کو چلائیں گے پھر ہوش سے

وطن عشق میرا وطن جان و دل
وطن روح میری وطن جستجو
وطن کے لیے اپنا تن من فدا
وطن میری الفت وطن آبرو

شاعری : محمد عاصم

میرے اجداد نے مانگا چمن میں آشیاں لوگو | وطن سے محبت پر اشعار

اے میرے ملک! تیری فضاؤں کی خیر ہو | وطن کی محبت پر اشعار

ہزاروں دکھ ہیں دنیا کے، مگر ہے مان پاکستاں

اگر آپ پاکستان کے متعلق مزید شاعری پڑھنا چاہتے ہین تو یہ لازمی دیکھیں 

poetry on pakistan independence day | urdu poetry on independence day of pakistan | poetry about pakistan in urdu