زندگی کو مری بندگی مل گئی | نعت شریف

زندگی کو مری بندگی مل گئی
مدح سرکار سے روشنی مل گئی

پر گھٹن اور اس پر فتن دور میں
راحت قلب اور چاشنی مل گئی

ذکر صلے علٰی میں جو کرتا رہا
نور ایقان کو تازگی مل گئی

ابنِ آدم کو اور ساری مخلوق کو
ان کی بعثت سے ہی زندگی مل گئی

جب کہا زندگی ہے بنام نبی
مختصر زندگی کو خوشی مل گئی

ان کی الفت کی شدت سے محمود کو
ان کی دیدار کی تشنگی مل گئی

زندگی کو مری بندگی مل گئی
مدح سرکار سے روشنی مل گئی

شاعری:۔ سید محمود شاہ

اگر آپ مزید حمدیہ اشعار، نعت شریف یا  شان صحابہ پر کلام پڑھنا چاہتے ہیں تو یہ لازمی دیکھیں

درد دل کی دوا ذکر صلی علی