سارے صحافی ہو گئے سرکار کی طرف
کیا خاک دیکھے ادمی اخبار کی طرف
یہ ہے کرم خدا کا پہنچا دیا مجھے
اس پار کے تھپڑوں نے اس پار کی طرف
لے کر خدا کا نام بڑے اعتماد سے
ہم نے بھی کشتی ڈال دی منجھدار کی طرف
بنیاد کو تو اب کبھی ہم دیکھتے نہیں
سب کی نگاہ رہتی ہے مینار کی طرف
میں سچ کے ساتھ تھا جو اکیلا ہی رہ گیا
سارا شہر کھڑا تھا گنہگار کی طرف
نشتر سا دل میں چبھتا ہے تیرا ہر ایک لفظ
کیسے توجہ دوں تیری گفتار کی طرف
جو تھا غلط کسی نے اسے کچھ نہیں کہا
انگلی اٹھائی سب نے سمجھدار کی طرف
مقروض پٹ گیا بس اتنی سی بات پر
بیٹھا تھا پیٹھ کر کے زمیندار کی طرف
کر اخرت کی فکر رجوع کر خدا کے ساتھ
جاتا ہے اس کو جانے دے سنسار کی طرف
،،راہی،، توقع عدل کی کس سے کرے کہ اب
حاکم کی سب توجہ گنہگار کی طرف
سارے صحافی ہو گئے سرکار کی طرف
کیا خاک دیکھے ادمی اخبار کی طرف
شاعری : رفیق راہی مانگرول
حق جتانے کے لئے کچھ آبلہ پائی تو ہو | انقلابی اشعار و غزل
سچ اگر بولیں تو دھتکار دیے جاتے ہیں | اردو انقلابی شاعری
اگر آپ مزید انقلابی شاعری پڑھنا چاہتے ہیں تو یہ لازمی دیکھیں
inqalabi poetry urdu | urdu inqalabi poetry | inqalabi shayari urdu | inqalabi poetry in urdu |Amazing Urdu poetry
