مدارس میں یہ رہنے والے بچے ہیں بہت اچھے | مدارس کے طلباء پر اشعار

مدارس میں یہ رہنے والے بچے ہیں بہت اچھے
کلام رب کے پڑھنے والے بچے ہیں بہت اچھے

مدارس میں انہیں الفت محبت ہی سکھاتے ہیں
وفا میں آگے بڑھنے والے بچے ہیں بہت اچھے

یہ اٹھتے ہی کلام رب کے آگے بیٹھ جاتے ہیں
تہجد میں یہ اٹھنے والے بچے ہیں بہت اچھے

یہ ننھے ننھے ہاتھوں کو دعاؤں میں اٹھاتے ہیں
دعائیں سب کو دینے والے بچے ہیں بہت اچھے

یہ سارا دن کلام رب سناتے اور سنتے ہیں
عمل پیارا یہ کرنے والے بچے ہیں بہت اچھے

محبت سے رہیں سارے محبت بانٹنے والے
کسی سے بھی نہ لڑنے والے بچے ہیں بہت اچھے

مجھے اظہر محبت ہے مدارس کے ستاروں سے
مری نظروں کو بھانے والے بچے ہیں بہت اچھے

مدارس میں یہ رہنے والے بچے ہیں بہت اچھے
کلام رب کے پڑھنے والے بچے ہیں بہت اچھے

شاعری: ڈاکٹر محمد اظہر خالد

مدارس شریعت کی پہچان ہیں مساجد سکونِ دل و جان ہیں | دینی مدارس پر اشعار

بیت السلام تلہ گنگ کے ہونہار طلبا نے ربوٹکس مقابلہ جیت لیا

طالب علم پر شاعری | حافظ قرآن کی شان میں اشعار | مدارس کی اہمیت پر اشعار | دینی مدارس پر اشعار