خوابِ غفلت سے نکل جا ایک دن مرنا بھی ہے | موت پر اشعار | urdu poetry about death

خوابِ غفلت سے نکل جا ایک دن مرنا بھی ہے
اے مسلماں اب سنبھل جا ایک دن مرنا بھی ہے

چار دن کی روشنی ہے پھر اندھیری رات ہے
آج موقع ہے بدل جا ایک دن مرنا بھی ہے

جو غمِ امت نبیؐ کے سینہءِ اطہر میں تھا
اُس غمِ امت میں گُھل جا ایک دن مرنا بھی ہے

جس طرف قرآن جنت کی بشارت دے تُجھے
اُس طرف فوراً نکل جا ایک دن مرنا بھی ہے

ابتدا سے دینِ برحق کا تقاضا ہے یہی
دین کے سانچے میں ڈھل جا ایک دن مرنا بھی ہے

فکر کر اذلان ہردم آنے والے وقت کی
ہر بدی سے آج ٹل جا ایک دن مرنا بھی ہے

خوابِ غفلت سے نکل جا ایک دن مرنا بھی ہے
اے مسلماں اب سنبھل جا ایک دن مرنا بھی ہے

شاعری: اذلان الرحمان

اگر آپ مزید فکر آخرت پر کلام پڑھنا چاہتے ہیں تو یہ لازمی دیکھیں

سچ ہے ہر نفس کا بس صلہ موت ہے کیا خبر کب مری کس جگہ موت ہے | موت شاعری

Urdu poetry on death | death poetry in urdu 2 lines | death poetry in urdu 2 lines text | death poetry in urdu