جن دلوں پر انا کے تالے ہیں کب کسی کے وہ ہونے والے ہیں | attitude poetry in urdu 2 lines text

جن دلوں پر انا کے تالے ہیں
کب کسی کے وہ ہونے والے ہیں

تھی خبر ہم کو یار ڈس لیں گے
پھر بھی وہ ناگ ہم نے پالے ہیں

جس کو دنیا سمجھ رہی ہے سخن
میری تاریخ کے حوالے ہیں

ناز ہم کیا اٹھائیں گے ان کے
جان کے جب ہمیں ہی لالے ہیں

جن کے دم سے تھی آبروۓ بشر
ہم نے زیور وہ بیچ ڈالے ہیں

کہہ رہی ہے یہ گردشِ دوراں
سارے رشتے بکھرنے والے ہیں

وقت بھی چال چل گیا "بابر”
اور یاروں نے عیب اچھالے ہیں

جن دلوں پر انا کے تالے ہیں
کب کسی کے وہ ہونے والے ہیں

شاعری : بابر علی برق

محفل میں اجالا ہو ایسا تیرے آنے سے | انسانی روئیے پر خوبصورت اردو کلام

کیا کروں ترک ِ تعلق بھی تو حل کوئی نہیں ۔۔۔۔ کر تو لوں ، پھر یہی کہتا ہوں کہ چل کوئی نہیں

If you want to read more poetry about attitude please check