جنگِ خیبر میں کھڑا ہے حضرتِ مولا علی | حضرت علی کی شان میں اشعار

فاتح خیبر داماد رسول خلیفہ چہارم حضرت علی رضی اللہ عنہ کی شان میں کلام

0 39

جنگِ خیبر میں کھڑا ہے حضرتِ مولا علی
کفر پر بھاری پڑا ہے حضرتِ مولا علی

 

میرے آقا سے بہت حضرت علی کو پیار تھا
دین کا خادم بھی تھا اور دین کا غم خوار تھا
مصطفیؐ کا لاڈلا ہے حضرتِ مولا علی

 

فاطمہ کی جان ہے میرے علیؓ پیارے علی
شان پائی ہے، ہوئے ہیں آپؓ دامادِ نبی
پاک جذبوں کی ادا ہے حضرتِ مولا علی

 

جنگِ خیبر میں کیا مرحب کا سر تن سے جُدا
آپ نے اسلام کے ہر بول کو بالا کیا
کس دلیری سے لڑا ہے حضرتِ مولا علی

 

بغض جس کو بھی نبی کے لاڈلے حیدر سے ہو
کیسے بخشش اُن کی محشر میں خُدا کے در سے ہو
دینِ حق کا نا خُدا ہے حضرتِ مولا علی

 

حضرتِ مولا علیؓ تو دین کی شمشیر ہیں
فاتح خیبر علی ہیں، نعرہِ تکبیر ہیں
میرے مولا کی عطا ہے حضرتِ مولا علی

 

مدحتِ مولا علیؓ میرا جنوں اے مومنو
اِس سے مجھ اذلان کے دل کو سُکوں اے مومنو
اہلِ حق کا مقتدیٰ ہے حضرتِ مولا علی

 

جنگِ خیبر میں کھڑا ہے حضرتِ مولا علی
کفر پر بھاری پڑا ہے حضرتِ مولا علی

شاعری: اذلان الرحمان

اگر آپ مزید حمدیہ اشعار، نعت شریف یا  شان صحابہ پر کلام پڑھنا چاہتے ہیں تو یہ لازمی دیکھیں

ایماں کے سہارے ہیں حسنینؓ ہمارے ہیں

جواب چھوڑیں

آپ کا ای میل ایڈریس شائع نہیں کیا جائے گا.