دشمن و یار کچھ نہیں دیکھا میں نے اس بار کچھ نہیں دیکھا | sad poetry in urdu text

دشمن و یار کچھ نہیں دیکھا
میں نے اس بار کچھ نہیں دیکھا

دُھند کو چیرتے ہوئے گزرا
کیا ہے اُس پار،کچھ نہیں دیکھا

شاہ زادی کو بڑھ کے چُوم لیا
شاہ و دربار، کچھ نہیں دیکھا

اک تسلسُل سے تجھ کو ڈھونڈا ہے
دشت و کُہسار،کچھ نہیں دیکھا

اُس نے توپوں کا رُخ بدلتے ہوئے
شہر و بازار، کچھ نہیں دیکھا

اک نظر میں پسند فرمایا
وصف و معیار،کچھ نہیں دیکھا

ہر قدم ، نت نئے مصائب تھے
مَیں نے زنہار،کچھ نہیں دیکھا

بات جب آ گئی قبیلے پر
میر و سردار،کچھ نہیں دیکھا

برملا جبر کی مذمّت کی
مقتل و دار،کچھ نہیں دیکھا

دشمن و یار کچھ نہیں دیکھا
میں نے اس بار کچھ نہیں دیکھا

شاعری : عادل حسین

اگر آپ مزید اداس شاعری پڑھنا چاہتے ہیں تو یہ لازمی دیکھیں 

If you want to read more sad poetry in Urdu please check

sad poetry in urdu 2 lines |heart touching sad poetry in urdu