دل تو جاتا ہی رہا جان پہ بھی قبضہ دیکھا | محبت پر شاعری | Good Poetry In Urdu

دل تو جاتا ہی رہا جان پہ بھی قبضہ دیکھا
ہم نے الفت میں تری کچھ بھی نہ اپنا دیکھا

طور کو آگ لگی آپ بھی بے ہوش ہوئے
کیا تجلی کا وہاں اپ نے جلوہ دیکھا

نیند آنکھوں کی گئی چین بھی دل کا میرا
تجھ سے یہ دل کو لگانے کا نتیجہ دیکھا

جو بھی ابھرا ہے وہیں اُسکو دبانا چاہا
ہم نے ہر دور میں اپنوں کا رویہ دیکھنا

کل جہاں جس نے بہائے تھے ہزاروں دریا
آج ایک بوند ہی پانی کو ترستا دیکھا

کتنا مجبور ہے افلاس کے ہاتھوں دیکھو
چند سکوں ہی میں انسان کو بکتا دیکھا

یوں تو دنیا میں ہر اک شے پہ گرانی ہے بہت
خون انسان ہی ہر دور میں سستا دیکھا

جب بھی انسان کو بڑھ جاتی ہے دولت کی حوس
ہم نے دریا میں بھی رہ کر اسے پیاسا دیکھا

پیدا نفرت جو کیا کرتے ہیں بندوں میں ناصرّ
بارہا ان کو تو ذلت ہی سے مرتا دیکھا

دل تو جاتا ہی رہا  جان پہ بھی قبضہ دیکھا
ہم نے الفت میں تری کچھ بھی نہ اپنا دیکھا

شاعری :  ناصرسلیم

ہم اپنے گھر کا رستہ بھول کر صحرا میں آ نکلے

If you want to read more Urdu poetry text please check

amazing poetry in urdu | urdu amazing poetry | Beautiful Urdu poetry| best urdu poetry text | urdu poetry beautiful