پھرتے ہوئے دکھوں کے گھنے جنگلات ، ماں | ماں پر شاعری | poetry about mother in urdu
poetry for mother in urdu | urdu poetry for mother | mother urdu poetry
پھرتے ہوئے دکھوں کے گھنے جنگلات ، ماں
میں تھک گیا ہوں ماں ! مری کُل کائنات ماں
میں آج کُل جہان کے احسان اُتار دوں
لیکن وہ تیرے بیچے ہوۓ زیورات ماں
ڈھانپا ہوا ہے کس طرح تیری دعاؤں نے
ششدر مرے حصار پہ ہیں شش جہات ماں
چھوٹے سے دکھ پہ تو ہے پریشان اِس قدر
یہ راہِ زندگی ہے رہِ حادثات ماں
بیٹا جو خواہشات کے رنگوں میں کھو گیا
بیٹے کا چین جس کی سبھی خواہشات ، ماں
یہ آگ جیسی دھوپ غمِ روزگار کی
جھلساۓ چہرہ کس لیے جب ہے حیات ماں
تیری جزا شمار میں لاؤں تو کس طرح
دونوں جہاں کا صدقہ تری ایک رات ماں
غصّے سے جھاگ اڑاتی ہوئی ریل کی قسم
جو سر بسر خلوص ہے وہ پاک ذات ماں
پھرتے ہوئے دکھوں کے گھنے جنگلات ، ماں
میں تھک گیا ہوں ماں ! مری کُل کائنات ماں
شاعری : زبیر حمزہ
اگر آپ ماں کی محبت پر مزید اشعار پڑھنا چاہتے ہیں تو یہ لازمی دیکھیں
If you want to read more poetry about mother in urdu please check
poetry for mother in urdu | urdu poetry for mother | mother urdu poetry | poetry about mother in urdu
