مئی 2024

موت پر جانے حال کیا ہو گا گر تو غفلت میں ہی جیا ہو گا ظلم ڈھاتا رہا تو اپنے پر آخری وقت پھر برا ہو گا سوچ وہ وقت کر لے تیاری قبر میں تنہا جب پڑا ہو گا

اتنے بڑے جہان میں تنہا رہا ہوں میں تنہاٸ کے دکھوں سے شناسا رہا ہوں میں مانوس ہو ہی جاٶں گا خلوت سے ایک دن ہر وقت اس خیال میں کھویا رہا ہوں میں

میں پریشاں حال مولی ہے صدا استغفر اللہ تیرے در پر آہ و زاری ہے ندا استغفر اللہ میں رہا غافل یہاں دنیا کی شہرت و ذوق میں تیری دھرتی پر کئے میں نے گناہ استغفر اللہ

جب رویوں میں بدلاؤ آ نے لگا لمحہ لمحہ ہمیں خوں رُلانے لگا پھیر کر چل دیا روخ وہ اوروں کے سنگ دعوۂِ عشق جو تھا ٹِھکانے لگا میری حالت پہ سب رو رہے تھے مگر.! اک وہی شخص تھا مسکرانے لگا..!

وعدوں کے آسماں سے برسی دغا کی بارش ہوتی ہے باوفا پر اکثر جفا کی بارش رنگیں جہان سارا بے رنگ ہوگیا ہے ظالم نے جب سے کی ہے مجھ پر سزا کی بارش

عشق ہی کافی نہیں دیوانگی کے دشت میں علم و حکمت بھی ہے لازم عاشقی کے دشت میں واپسی کا اب کوئی امکان ہی باقی نہیں دُور اتنا آ گیا ہوں بے دلی کے دشت میں

اُتارتا ہوں ڈائری پر اک خیال کی تھکن کِسی کے ساتھ کے عروج اور زوال کی تھکن جو ایک جھوٹے دستخط پہ سینکڑوں کماتا ہے کہاں سمجھ سکے گا وہ بھلا حلال کی تھکن

آنکھ حیران نہ ہو خواب کو مشکل نہ پڑے اس طرح ٹوٹ کہ اعصاب کو مشکل نہ پڑے کھول رکھتا ہوں گریبان ہمیشہ اپنا زخم دیتے ہوۓ احباب کو مشکل نہ پڑے

سنجیدگی بھی لازمی ہے دل لگی کے بعد آتی ہے موت جیسے ہمیں زندگی کے بعد سورج اگے گا دن کا شبِ تیرگی کے بعد ہوگا اندھیرا شام کو پھر روشنی کے بعد

حج کے ایّام کو خوبصورت کرو حاجیو! حج پہ تقویٰ کی نیت کرو سیلفیوں کی رَوِش سخت معیوب ہے خودنمائی کی کوشش کبھی مت کرو