وہ جنت کے مسافر ہیں | علامہ احسان الہی ظہیر صاحب

وہ جنت کے مسافر ہیں محبت کا سمندر تھے
وہ اک انساں عمل اور علم کا مربوط پیکر تھے

سکھایا جو انہوں نے پہلے خود کر کے دکھایا ہے
ضیائےِ رحمتہ اللعالمیں سے وہ منور تھے

سبھی یہ منبر و محراب ان کی آس رکھتے ہیں
جو قال اللہ اور قال رسول اللہ کا گھر تھے

بہاروں کی تمنا میں خزاؤں کے مقابل تھے
ایمان و استقامت کے حسیں رستوں کے رہبر تھے

کڑکتی دھوپ میں بیٹھے مسافر سوچتے جائیں
عجب تسکین کے سائے انہی کے دم سے سر پر تھے

اے رب رحمت سے اپنی جنتیں ان کا مقدر کر
جلالِ عمر فاروقی تھے وہ للکارِ حیدر تھے

وہ جنت کے مسافر ہیں محبت کا سمندر تھے
وہ اک انساں عمل اور علم کا مربوط پیکر تھے

شاعری: سلیم اللہ صفدر

اگر آپ حمدیہ اشعار، نعت شریف یا  شان صحابہ پر کلام پڑھنا چاہتے ہیں تو یہ لازمی دیکھیں