غمگین شاعری اردو

شکیب و صبر کے پیکر بھی آزمائے گئے جہاں میں آئے پیمبر بھی آزمائے گئے گزشتہ رات فقط اک مرا چراغ نہیں نُجُوم و ماہِ مُنوّر بھی آزمائے گئے

آشنائی کا اثاثہ بھی بہت ہوتا ہے بھیڑ میں ایک شناسا بھی بہت ہوتا ہے تم کو تفصیل میں جانے کی ضرورت ہی نہیں دکھ بڑا ہو تو خلاصہ بھی بہت ہوتا ہے ہم بھی کیا لوگ ہیں سب جھولیاں بھر لاتے ہیں بے یقینی کا تو ماسہ بھی بہت ہوتا ہے شکریہ…

تم جدا ہوئے تو کیا، قربتیں نہیں گئیں دل سے اب بھی وصل کی خواہشیں نہیں گئیں ہجر یا وصال سب جاگ کر بسر ہوئے وقت کے بدلنے سے عادتیں نہیں گئیں

تباہیوں کے شکستہ نشاں سنبھالے گئے سفینے ڈوب گئے ، بادباں سنبھالے گئے یہی سبب تھا تعلُّق کی بے ثباتی کا یقین چھوڑ کے وہم و گماں سنبھالے گئے

اب دِکھاتا نہیں وہ ایسی کرامات مجھے اور عطا کرتا نہیں شرفِ ملاقات مجھے میرے دل سے نہیں جاتے نہ کبھی جائیں گے مار ڈالیں گے جدائی کے یہ اثرات مجھے

نامرادی کے پسینے سے شرابور ہوں میں اے مری تازہ تھکن دیکھ بہت چٌور ہوں میں بات یہ ہے کہ کوئی آنکھ بھی دلچسپی لے شیشۂ خواب دکھانے میں تو مشہور ہوں میں اژدہے رینگتے ہیں ، بجلیاں گر جاتی ہیں اور ستم یہ کہ عصا ہوں نہ یہاں طور ہوں میں…

خوشی کا ایک لمحہ اورغموں کا اک زمانہ کیوں میں اک لا چار بندہ ہوں مجھے اتنا ستانا کیوں محبت کے لبادے میں جفا تم نے جو کی ہم سے محبت کر نہیں سکتے تو کر نے کا بہانہ کیوں

خاک میں جب ہمیں ملا آئے پھر ہماری خبر بھی کیا آئے جو بھی ہو گا وہی مقدر ہے کیوں زباں پر کوئی گلا آئے کوئی دیوار جیسا آدمی تھا ہم جسے دردِ دل سنا آئے

ردی کے ڈھیر میں تھے پڑے بے شمار خط میرا بھی اس میں ڈال دیا اب کی بار خط عہدے وفا کا خط انہیں موصول جب ہوا ہونٹوں سےچوما اور پڑھا بار بار خط

لبوں پر دشمنی کے تذکرے اچھے نہیں لگتے سماعت کو یہ کڑوے ذائقے اچھے نہیں لگتے مری آنکھوں میں ایسے جھلملاتے ہی رہیں آنسو چراغوں سے یہ خالی طاقچے اچھے نہیں لگتے