شکر رب زہے قسمت ، ہم حسین والے ہیں
ہم کو مل گئی نعمت ، ہم حسین والے ہیں
ہم کو فخر ہے اس پر ، ہم حسینی کہلائیں
کیسی پیاری یہ نسبت ، ہم حسین والے ہیں
ظالموں کی ہم ہرگز ، نہ کریں طرف داری
رب کی ہم پہ ہے رحمت ، ہم حسین والے ہیں
اہل بیت سے ہم کو ، ہیں محبتیں بے حد
مل گئی ہمیں عظمت ، ہم حسین والے ہیں
روشنی میں ہم آئے ، نور بھی ملا ہم کو
دور ہو گئی ظلمت ، ہم حسین والے ہیں
تذکرہ کیا جب بھی ، پاک گھر کے لوگوں کا
ہم کو بھی ملی عزت ، ہم حسین والے ہیں
رب نے مجھ کو اے اظہر ، شعر کا ہنر بخشا
لکھ رہا ہوں یہ مدحت ، ہم حسین والے ہیں
