محبتوں کا انوکھا جہاں ہے پاکستان | پاکستان پر اشعار | poetry about Pakistan in urdu

محبتوں کا انوکھا جہاں ہے پاکستان
یہ چاہتوں کی دلاری زباں ہے پاکستان

خدائے پاک نے ہم کو دیا ہے یہ تحفہ
اسی کے فضل کا پیارا نشاں ہے پاکستان

دلارے دیس کی عظمت کو جان لو سارے
جہاں میں حق کا بڑا ترجماں ہے پاکستان

زمین پاک سے مجھ کو بہت محبت ہے
یہ میرے دل میں سدا ہی نہاں ہے پاکستان

سدا وطن کی حفاظت کرو سبھی مل کر
خدا کی دین ہے عالی مکاں ہے پاکستان

محاذ پر کھڑے دشمن کو گر مٹا نہ سکے
نہ کہتے رہنا یہاں پھر کہاں ہے پاکستان

مرے بھی دل کو اے اظہر لگاؤ ہے اس سے
کہ شاعری میں مری اب عیاں ہے پاکستان

محبتوں کا انوکھا جہاں ہے پاکستان
یہ چاہتوں کی دلاری زباں ہے پاکستان

شاعری: ڈاکٹر محمد اظہر خالد

ہزاروں دکھ ہیں دنیا کے، مگر ہے مان پاکستاں

چلو سبز جھنڈیاں سجائیں ملکر |14 اگست یوم آزادی پاکستان پر اشعار

اگر آپ پاکستان کے متعلق مزید شاعری پڑھنا چاہتے ہین تو یہ لازمی دیکھیں 

poetry on Pakistan Independence Day in Urdu |  pakistan day poetry in Urdu | pakistan day poetry in urdu