میرا خدا بھی وہی ہے تیرا خدا بھی وہی
وہ ہے اکیلا صمد سب سے ہے جدا بھی وہی
جو پالتا ہے خلائق کو پتھروں میں بھی
جو بھولتا نہیں چھوٹے سے مچھروں کو بھی
جو کربلا میں سنبھالے بہتروں کو بھی
جہان سارا اسی کا کمال ہے یارو
ہر ایک شے میں اسی کا جمال ہے یارو
وہ پیارا رب تو بہت بے مثال ہے یارو
جہان بھر میں ہیں اس کی ہی قدرتیں دیکھو
بہت خدا کی ہیں ہم سے محبتیں دیکھو
حبیب اپنا دیا ہم کو الفتیں دیکھو
اسی کا حکم ہے چلتا سبھی فضاؤں پر
تمام قسم کی اچھی بری ہواؤں پر
ہے قبضہ صرف اسی کا سبھی گھٹاؤں پر
اسی کی حمد زمیں میں ہے آسمانوں میں
سبھی زمانوں میں ہے اور سب جہانوں میں
تمام خلق کرے اپنی سب زبانوں میں
خدا ہمیں بھی تو اپنا بنا دعا یہ ہے
یہ اٹھتے بیٹھتے زیر زباں ندا یہ ہے
پیام سارا نشر جگ میں ہو صدا یہ ہے
خدایا میری بھی آہوں میں اب اثر دے دے
مجھے بھی شعر تو کہنے کا اب ہنر دے دے
یوں آخرت میں بھی اظہر کو تو ثمر دے دے
میرا خدا بھی وہی ہے تیرا خدا بھی وہی
وہ ہے اکیلا صمد سب سے ہے جدا بھی وہی
اگر آپ مزید حمدیہ اشعار، نعت شریف یا شان صحابہ پر کلام پڑھنا چاہتے ہیں تو یہ لازمی دیکھیں
If you want to read hamd poetry in Urdu please visit
poetry about hamd in urdu | urdu poetry hamd e bari tala | best hamd poetry in urdu
