کتنا خوش بخت ہے وہ جس نے مدینہ دیکھا | مدینہ پر اشعار | Madina Sharif poetry in Urdu

کتنا خوش بخت ہے وہ جس نے مدینہ دیکھا
اپنی آنکھوں سے حسیں گنبدِ خضراء دیکھا

عمر بھر اُس نے نہ پھر جلوہِ دنیا دیکھا
جس نے اک بار دیارِ شہِ بطحا دیکھا

اپنی سوئی ہوئی تقدیر پہ رونا آیا
قافلہ جب کوئی جاتا ہوا طیبہ دیکھا

رشک آتا ہے بہت اُس کے مقدر پہ مجھے
جس نے اک بار بھی سرکار کا روضہ دیکھا

کتنی پاکیزہ وہ آنکھیں ہیں جنہوں نے صفدر
عائشہؓ بنتِ ابو بکرؓ کا حجرہ دیکھا

کتنا خوش بخت ہے وہ جس نے مدینہ دیکھا
اپنی آنکھوں سے حسیں گنبدِ خضراء دیکھا

شاعری: محمد صفدر سیاف

محمد مصطفی سے جب تعلق جڑ گیا دل کا | نعت شریف 

اگر آپ مزید نعت رسول مقبول اردو شاعری میں پڑھنا چاہتے ہیں تو یہ لازمی دیکھیں 

If you want ot read more naat lyrics in Urdu please click

Urdu poetry about Madina | madina poetry in urdu | naat sharif lyrics | urdu naat sharif