خوشی کا ایک لمحہ اورغموں کا اک زمانہ کیوں | اردو غمگین غزل| sad broken heart poetry in urdu

خوشی کا ایک لمحہ اورغموں کا اک زمانہ کیوں
میں اک لا چار بندہ ہوں مجھے اتنا ستانا کیوں

محبت کے لبادے میں جفا تم نے جو کی ہم سے
محبت کر نہیں سکتے تو کر نے کا بہانہ کیوں

یہاں کے پار سا انساں شرارت کے بھی عادی ہیں
خودی کو پار سا کہہ کر شرارت کو چھپانا کیوں

اگر آ نا ہے آجاؤ تمہیں ہے واسطہ رب کا
نہیں آ نا تو کہہ ڈالو ہمیں پھر یوں رلانا کیوں

تمھی نے ہم کو چھوڑا تھا بہت بے آبرو کرکے
پلٹ کر تم جو آئے ہو بتاؤ اب یہ آنا کیوں

ہماری ذات سے مطلب نکالا ہے ہر انساں نے
ہمی پر مطلبی انساں کی تہمت کا لگانا کیوں

اگر وہ دور ہے ہم سے تو خوشبو کس کی آئی ہے
کہ جھرنے لہلہا اٹھے یہ موسم ہے سہانا کیوں

خوشی کا ایک لمحہ اورغموں کا اک زمانہ کیوں
میں اک لا چار بندہ ہوں مجھے اتنا ستانا کیوں

شاعری: زین العابدین ذُوالقُروح

اک پرندہ اُڑ چلا آندھی کا جھونکا دیکھ کر | اداس شاعری

اگر آپ مزید اداس شاعری پڑھنا چاہتے ہیں تو یہ لازمی دیکھیں 

If you want to read more sad poetry in Urdu please check

sad poetry sms in urdu 2 lines text messages | sad poetry text in urdu | heart broken poetry in urdu|