جوہری دیکھ بڑے کام کے پتھر آئے | پتھر پر اشعار |Heart broken poetry in urdu

جوہری دیکھ بڑے کام کے پتھر آئے
پھر کسی ہاتھ سے الزام کے پتھر آئے

پھر درختوں پہ وہی صبر کا پھل پکنے لگا
پھر وہی گردشِ ایّام کے پتھر آئے

لو غریب الوطنو ، بخت زدو ، ہم سفرو
اب کی آندھی میں درو بام کے پتھر آئے

اپنے آئے ہوئے گل دیکھ چکو تو یارو
دیکھنا اِن میں مرے نام کے پتھر آئے

اپنی قسمت کوئی گوہر نہیں نکلا ، ورنہ
ہاتھ میں تو کئی اقسام کے پتھر آئے

آج اِس جبّہ و دستار کی یا الّلٰہ خیر
آج تو دستِ ادب ، تھام کے پتھر آئے

میں عجوبہ تھا مگر میرا ستوں ٹوٹ گیا
اے زمیں لے مرے اہرام کے پتھر آئے

دل کی لہروں میں زبیر ایسا تلاطم تو نہ تھا
کیا پھر اُس سمت سے پیغام کے پتھر آئے ؟

جوہری دیکھ بڑے کام کے پتھر آئے
پھر کسی ہاتھ سے الزام کے پتھر آئے

شاعری : زبیر حمزہ

آسماں سے اس حسیں کے گھر کا منظر اور تھا

خواہشوں کو دل کے قبرستاں میں دفنایا گیا

sad broken heart poetry in urdu | sad heart broken poetry in urdu | broken heart poetry in urdu | sad ghazal in urdu | heart touching ghazal in urdu