دم توڑتی ہیں حسرتیں پل پل مرے دل میں | دل پر خوبصورت شاعری |broken heart poetry in urdu

دم توڑتی ہیں حسرتیں پل پل مرے دل میں
ہر لمحہ مچی رہتی ہے ہلچل مرے دل میں

اس کا کوئی حل ہے تو بتاؤ مجھے للّٰہ
کرتا ہے کوئی شور مسلسل مرے دل میں

بے تاب و تواں ہوں تو کوئی وجہ بھی ہوگی
آباد ہے جذبات کا مقتل مرے دل میں

آزاد ہوں آزاد ہی رکھتا ہوں سبھی کو
رہتا ہے مگر کوئی مقفل مرے دل میں

کوشش تو بہت کی اسے ویران کروں پر
آباد رہا ہجر کا جنگل مرے دل میں

مخلوق کا ٹھکرایا ہوا شخص ہوں گر چہ
کِھلتا ہے مگر اک گل مخمل مرے دل میں

کہتے ہیں کسے روشنی میں تجھ کو بتاؤں ؟
خورشید جہاں تاب کبھی ڈھل مرے دل میں

دم توڑتی ہیں حسرتیں پل پل مرے دل میں
ہر لمحہ مچی رہتی ہے ہلچل مرے دل میں

شاعری : لئیق انصاری 

کتابِ دل سمجھ سے ماورا ہے مگر یہ دل سمجھنے پر تُلا ہے | دل آویز شاعری

اے خدا زندگی سہوں کیسے ؟! اک خلا ہے اسے بھروں کیسے ؟

heart broken poetry in urdu | heart touching sad poetry in urdu