بے نظیر و پاکباز و معتبر آمنہ کے لعل سب کے راہبر | اردو نعت | poetry for naat in urdu

بے نظیر و پاکباز و معتبر
آمنہ کے لعل سب کے راہبر

چاند چہرہ، گیسوئے عنبر، شمیم
مشک افشاں، دھوم جن کی ہر نگر

ظلمتیں چھائی ہوئی تھیں چارسو
اُنؐ کے آنے سے ہوئی روشن سحر

خوش مقالی، دلکشی اور گلفشاں
بات اُنؐ کی ایک اک ھے مفتخر

آل آقا پارسا و متقی
کیوں نہ ہوں آقاؐ جو ہیں ان کے پدر

بعد اُنؐ کے اب نہیں کوئی رسولؐ
وہ ھی رب کے آخری پیغامبر

اُنؐ کا ثانی رب نے کب پیدا کیا
حسنِ یوسف(ع) سے بھی سندر، خوب تر

بارگاہِ کبریا میں روز و شب
فکرِ اُمت میں تھی اُنؐ کی چشم تر

بادشاہی آپؐ کی دارین پر
آج تک دیکھا نہ ایسا تاجور

نعت لکھ "اذلان” دل کے خون سے
نعت سے ہرلحظہ دیکھا باثمر

بے نظیر و پاکباز و معتبر
آمنہ کے لعل سب کے راہبر

شاعری: اذلان الرحمان

ہے خیالِ مصطفی سے سب مری تاب و تواں | خوبصورت اردو نعت 

If you want ot read more naat lyrics in Urdu please click

naat lyrics in urdu |  naat text in urdu | naat urdu text | best naat poetry in urdu | 2 line poetry for naat in urdu text | naat poetry in urdu two lines text