کب کِسے کیا کہا رب کو معلوم ہے | اسلامی شاعری اردو | urdu islamic poetry

کب کِسے کیا کہا رب کو معلوم ہے
کِس سے ہے رابطہ رب کو معلوم ہے

بُھول کر آخرت کون کِس کی ہوئی
کون کس کا ہوا رب کو معلوم ہے

بس وہی ہے علیم بذات صدور
کون جھٹلارہا رب کو معلوم ہے

کس کی باتوں سے کب کون لیلی بنی
کون مجنوں بنا رب کو معلوم ہے

رابطہ گفتگو دوستی اور پھر
عشق ہونے لگا رب کو معلوم ہے

اِس موبائل کی دنیا میں رکھ کر قدم
کِس طرف کو چلا رب کو معلوم ہے

دین کے نام پر پیار کے نام پر
کس نے دھوکہ دیا رب کو معلوم ہے

کس کے دل تک رسائی کی کوشش ہوئی
کس کو دل میں رکھا رب کو معلوم ہے

غیر محرم کے دیدار کے مرض میں
کون ہے مبتلا رب کو معلوم ہے

کب کِسے کیا کہا رب کو معلوم ہے
کِس سے ہے رابطہ رب کو معلوم ہے

شاعری: ہدہد الہ آبادی

اگر آپ مزید مناجات، حمدیہ اشعار، نعت شریف یا  شان صحابہ پر کلام پڑھنا چاہتے ہیں تو یہ لازمی دیکھیں

میرے دل کی طلب رب کا ہوجاؤں میں|رب کی محبت میں اشعار

new islamic shayari | urdu islamic poetry | islamic poetries in urdu | islamic poem in urdu