جون 2024

ہم اپنے گھر کا رستہ بھول کر صحرا میں آ نکلے بجھانے پیاس اپنی ریت کے دریا میں آنکلے کبھی چہرے بھی دیتے ہیں کھلا دھوکا نگاہوں کو تلاش دوستاں تھی ہم صف اعدا میں آنکلے

آؤ لوگو سب ملکر اک شجر لگاتے ہیں سر پہ ٹھنڈی چھت والا ایک گھر بناتے ہیں گرمیوں کی چھاؤں ہیں ، سردیوں کا ایندھن ہیں کون کہتا ہے یہ پیڑ پھل نہیں بناتے ہیں؟

ردی کے ڈھیر میں تھے پڑے بے شمار خط میرا بھی اس میں ڈال دیا اب کی بار خط عہدے وفا کا خط انہیں موصول جب ہوا ہونٹوں سےچوما اور پڑھا بار بار خط

اب شہر میں نہیں ہے کوئی قدر دان عشق آؤ چلو کہ گاؤں میں کھولیں دکان عشق کب تک کھلا رہے گا میرا گلستان عشق سب جھریوں میں ڈوب گئے ہیں نشان عشق

لبوں پر دشمنی کے تذکرے اچھے نہیں لگتے سماعت کو یہ کڑوے ذائقے اچھے نہیں لگتے مری آنکھوں میں ایسے جھلملاتے ہی رہیں آنسو چراغوں سے یہ خالی طاقچے اچھے نہیں لگتے

مدارس میں یہ رہنے والے بچے ہیں بہت اچھے کلام رب کے پڑھنے والے بچے ہیں بہت اچھے مدارس میں انہیں الفت محبت ہی سکھاتے ہیں وفا میں آگے بڑھنے والے بچے ہیں بہت اچھے

اے لوگو سبھی متحد تم ہو جاؤ کہ جنت کی وادی کو جنت بناؤ خزاں کے پجاری شیطاں کو بھگاؤ بہار اخوت سے گلشن سجاؤ وہ صیاد کو سبق ایسا سکھا دو قفس توڑ کر سارے پنچھی اڑا دو

فریب دے نہ زمانے کو پارسا نہ بنے اسے کہو کہ وہ بندہ بنے خدا نہ بنے وفورِ دولتِ دنیا تو عارضی شے ہے اسے کہو کہ تکبر میں باؤلا نہ بنے