ڈاکٹر شاکراللّٰہ ہمدرد

تجھ کو اوقات بتاؤں گا کسی دن میں بھی تیرا گھر بار جلاؤں گا کسی دن میں بھی تو نے جس طرح مری روح کو تڑپایا ہے تجھ کو اس طرح ستاؤں گا کسی دن میں بھی

کسی کو مال کی چاہت، کوئ ہے یار کا عاشق مجھے الفت محمد سے، میں ہوں سرکار کا عاشق اترتے ہیں ملائک بھی جہاں پر با ادب ہوکر میں اس دربار کا شائق میں اس دربار کا عاشق

اشک کیوں آنکھوں سے جاری ہے بتاؤں کیسے زندگی کیسے گزاری ہے  بتاؤں کیسے تیری یادوں کو جو سینے میں لیۓ پھرتا ہوں کس قدر بار یہ بھاری ہے  بتاؤں کیسے

تیرا ہر خواب حقیقت ہو، یہ جنت ہے کیا؟ تجھ کو ہر لمحے میں راحت ہو، یہ جنت ہے کیا؟ تجھ سے سب پیار کا اظہار کریں دنیا میں تجھ سے ہر ایک کو الفت ہو، یہ جنت ہے کیا؟

اتنے بڑے جہان میں تنہا رہا ہوں میں تنہاٸ کے دکھوں سے شناسا رہا ہوں میں مانوس ہو ہی جاٶں گا خلوت سے ایک دن ہر وقت اس خیال میں کھویا رہا ہوں میں

وعدوں کے آسماں سے برسی دغا کی بارش ہوتی ہے باوفا پر اکثر جفا کی بارش رنگیں جہان سارا بے رنگ ہوگیا ہے ظالم نے جب سے کی ہے مجھ پر سزا کی بارش

زمانے کو ہم آزمانے لگے ستم گر ستم پھر سے ڈھانے لگے عجب زندگی میں عجب موڑ ہے کہ قاتل جنازے اٹھانے لگے ہمارے دلوں پر لگاۓ نشاں ہمیں پھر وہ ظالم منانے لگے

اے غافل نہ غفلت میں یوں دن گزارو اگر موت آئے تو پھر کیا کروگے؟ اسی سرکشی میں نہ اب خود کو مارو اگر موت آئے تو پھر کیا کروگے؟

ٰ

اِدھر بھی خدا ہے، اُدھر بھی خدا ہے وہ سب سے بڑا ہے، وہ سب سے بڑا ہے شجر میں، ہجر میں، ہنر میں، نظر میں سفر میں، ظفر میں، دعا کے اثر میں خلإ میں، ہوا میں، ضیإ میں قمر میں وہی ہے جو ہر شے میں جلوہ نما ہے وہ جس…