عادل حسین

شکیب و صبر کے پیکر بھی آزمائے گئے جہاں میں آئے پیمبر بھی آزمائے گئے گزشتہ رات فقط اک مرا چراغ نہیں نُجُوم و ماہِ مُنوّر بھی آزمائے گئے

تباہیوں کے شکستہ نشاں سنبھالے گئے سفینے ڈوب گئے ، بادباں سنبھالے گئے یہی سبب تھا تعلُّق کی بے ثباتی کا یقین چھوڑ کے وہم و گماں سنبھالے گئے

موسم کے التفات کو ہیجاں سمجھ لیا بادِ سحر کو موجہء طوفاں سمجھ لیا تم سے بچھڑ کے عمر کے ہر موڑ پر مجھے کچھ فائدہ ہُوا بھی تو نقصاں سمجھ لیا

دشت کو پُرفضا بناتے ہوئے عمر گزری شجر لگاتے ہوئے باغ میں خوش نوا پرندے ہیں لاج آتی ہے گُنگنُاتے ہوئے

سوچا تھا کٹھن وقت میں غمخوار ملیں گے معلوم نہیں تھا کہ اداکار ملیں گے بدلیں گے نہ ہم جامہ کبھی اپنی طلب کا سوبار بچھڑ کر تمہیں سوبار ملیں گے

موج  ہوا کا ذائقہ چکھتے ہی بجھ گئے سہمے چراغ وقت سے پہلے ہی بجھ گئے کل شب مرا جُھکاؤ چراغوں کی سمت تھا فورا انہیں جلا لیا جیسے ہی بجھ گئے اتنے بڑے جہان میں کتنے چراغ تھے آندھی چلی تو صرف ہمارے ہی بجھ گئے روشن کئی چراغ تھے شب کے…

کسی نے خار ، کسی نے دیے گلاب مجھے سو جیسے لوگ تھے ویسے ملے جواب مجھے وہ روشنی جو مری ذات سے نہ پُھوٹی تھی ہَوا کو دینا پڑا اُس کا بھی حساب مجھے مَیں اب چراغِ شبستاں بُجھانے والا ہوں بلا رہا ہے سرِ دشت ماہتاب مجھے مری سرشت، مری…