سنجیدگی بھی لازمی ہے دل لگی کے بعد| خوبصورت اردو غزل |Urdu Poetry Ghazal

سنجیدگی بھی لازمی ہے دل لگی کے بعد
آتی ہے موت جیسے ہمیں زندگی کے بعد

سورج اگے گا دن کا شبِ تیرگی کے بعد
ہوگا اندھیرا شام کو پھر روشنی کے بعد

منصوبہ کرکے جتنے بسائے گئے ہیں شہر
انمیں ہے چوڑا راستہ سکڑی گلی کے بعد

اللہ کے کرم سے سبھی غم ہوئے ہیں دور
اب اور چاہیئے گا تمہیں کیا خوشی کے بعد

بچپن کے پیار کا بھی جوانی میں عقد ہو
ڈالی پہ پھول بنتا ہے اکثر کلی کے بعد

کیا کیا خیال لوگوں کے ذہنوں میں آئیں گے
کرتے رہے جو بات کسی سے کسی کے بعد

کرناہے جو بھی کرلو گنوائے بغیر وقت
کیا ہو، پتہ نہیں ہے ہمیں پل گھڑی کے بعد

آنا تھا جنکو پہلے پہل بزم میں اے،ناز
تشریف لا رہے ہیں وہ مہماں سبھی کے بعد

سنجیدگی بھی لازمی ہے دل لگی کے بعد
آتی ہے موت جیسے ہمیں زندگی کے بعد

شاعری : الیاس ناز

در ہمیشہ کھلا ہوا رکھنا جاری ملنے کا سلسلہ رکھنا | خوبصورت اردو اشعار

تُو مصروفِ زمانہ ہے تجھے ہم یاد کیا آئیں| دوستی پر شاعری

اگر آپ مزید اداس شاعری پڑھنا چاہتے ہیں تو یہ لازمی دیکھیں 

urdu poetry text | urdu poetry ghazal sad | urdu ghazal lyrics | ghazal lyrics in urdu |Amazing urdu poetry |