اسلام ایک جسم ہے اور جان مدرسہ| مدرسہ پر اشعار | islamic poetry in urdu 2

اسلام ایک جسم ہے اور جان مدرسہ
ہم اہلِ دیں کی آج ہے پہچان مدرسہ

امید ہے کہ رب کی شریعت بنے نظام
ایسی ہر اک امید کا امکان مدرسہ

اک درد ہے کہ دین مٹا جائے ہر طرف
اس درد لا دوا کا ہے درمان مدرسہ

لادینیت کے دور میں دینی علوم کا
اس شہر بے امان میں دیوان مدرسہ

مجھ کو امید خیر کی رہتی ہے ہر گھڑی
مجھ کو ہے اس پہ فخر مرا مان مدرسہ

زندہ رہے گا دین یہ مجھ کو یقین ہے
میرے نبی سے ہے مرا پیمان مدرسہ

اس دور میں کہ کفر کی باتوں کا شور ہے
ایسے تَوَہُّمات سے انجان مدرسہ

انساں بھٹک رہا ہے ہدایت کی ہے طلب
تیرے لیے ہے حضرتِ انسان مدرسہ

مجھ سے سوال یہ ہوا ، کیا ہے یہ مدرسہ ؟
سنت ہے دیں ہے علم ہے قرآن مدرسہ

خادم مرے خدا تو مدارس کا رکھ مجھے
ہے اہل حق کا مرکز ایمان مدرسہ

چین و عرب فریقہ و یورپ ہر ایک ملک
افغان و پاک و ہند ہے تہران مدرسہ

کرتے رہو یوں شان بیاں شعر میں حسیب
ہر کوئی مان لے کہ ہے ذیشان مدرسہ

اسلام ایک جسم ہے اور جان مدرسہ
ہم اہلِ دیں کی آج ہے پہچان مدرسہ

شاعری : حسیب احمد حسیب

اگر آپ مزید اردو اسلامی شاعری پڑھنا چاہتے ہیں تو یہ لازمی دیکھیں

یہ دینی مدارس ہیں پاکیزہ گھر | مدارس پر اشعار | اسلامی شاعری

مدارس شریعت کی پہچان ہیں مساجد سکونِ دل و جان ہیں | دینی مدارس پر اشعار

best islamic poetry for madaris | best islamic poetry in urdu | islamic poetry in urdu