اگست 2024

جیسے ہی یاد آئی ہے پیارے حضور  کی دل پر بھی کیفیت ہوئی طاری سرور کی بعد از خدا بزرگ وہ  دل جان سے یہ مان تم چھوڑ دو لڑائی بشر اور نور کی

جوہری دیکھ بڑے کام کے پتھر آئے پھر کسی ہاتھ سے الزام کے پتھر آئے پھر درختوں پہ وہی صبر کا پھل پکنے لگا پھر وہی گردشِ ایّام کے پتھر آئے

لب ہلاتے رہو مسکراتے رہو نعرہ ختمِ نبوت لگاتے رہو نام پیارے نبی پاک کا لے کے تم ہونٹ آپس میں اپنے ملاتے رہو

دنیا جہان میں ہے ہمیں صرف تو پسند لہجہ ترا پسند ، تری گفتگو پسند رہتے ہیں اس لئے وہ ہمیشہ حجاب میں کرتے ہیں عشق میں وہ مری جستجو پسند

آسماں سے اس حسیں کے گھر کا منظر اور تھا چاند سا جو حسن رو نیچے تھا، اوپر اور تھا یہ بھی اک لذت دعاؤں میں تھی کیا تجھ سے کہیں مانگتے ہم کچھ بھی رہتے تھے  مقدر اور تھا

لمحہ لمحہ بکھر رہا ہوں میں جیسے قسطوں میں مر رہا ہوں میں سارے احباب ہیں خفا مجھ سے حق بیانی جو کر رہا ہوں میں

پھر سے یہ محکوم ملت ہو گئی ہاۓ یارو کیا قیامت ہو گئی بالیقیں سچ کی علامت ہو گئ بات جو سامانِ عبرت ہو گئی

غم کی دہلیز پہ تنہا ہوں میاں کوئی نہیں مجھ کو لگتا ہے بھلائی کا نشاں کوئی نہیں در بدر ایسے بھٹکتا ہوں ، مکاں کوئی نہیں اے خدا تیرے سوا میرا یہاں کوئی نہیں

ہوا مداح قرطاس و قلم ختمِ نبوّت کا میں جب کرنے لگا نغمہ رقم ختمِ نبوّت کا کسی بے دین کی کوشش سے جھک جائے نہیں ممکن رہے گا تا ابد اونچا علَم ختمِ نبوّت کا

ہر جگہ ایسے رویے میں کہاں بولتا ہوں جس جگہ بولنا بنتا ہے وہاں بولتا ہوں خود سے لڑتا ہوں جھگڑتا ہوں بھلے جیسے مگر میں ترے ساتھ محبت کی زباں بولتا ہوں