نعت رسول مقبول اردو

یہ محمد کا جو مدینہ ہے یہ تو اَنمول اک نگینہ ہے اور باتیں فضول باتیں ہیں آپ کی بات ہی خزینہ ہے

تلاشِ نعت کی سینے میں جستجو رکھ لی وفورِ مدحتِ سرور نے آبرو رکھ لی دل و دماغ معطر ، مشامِ جان عبیر درِ رسول سے پلٹے تو اسکی بو رکھ لی

یقیں ختم نبوت کا ، ایماں ہے رب کی وحدت کا یہی اپنا اثاثہ ہے ، یہی رستہ ہے جنت کا یہ سب کذاب چاہیں بھی تو ملکر کھول نہ پائیں کہ خود رب نے کیا ہے بند دروازہ نبوت کا

ہجرت بھی ایک سنتِ خیر الانام  ہے اللہ کے لیئے جو کرے خوش مقام ہے ہجرت رسولِ پاک نے کی رب کے حکم پر صدیق ان کے ساتھ تھے ان پر سلام ہے

جیسے ہی یاد آئی ہے پیارے حضور  کی دل پر بھی کیفیت ہوئی طاری سرور کی بعد از خدا بزرگ وہ  دل جان سے یہ مان تم چھوڑ دو لڑائی بشر اور نور کی

لب ہلاتے رہو مسکراتے رہو نعرہ ختمِ نبوت لگاتے رہو نام پیارے نبی پاک کا لے کے تم ہونٹ آپس میں اپنے ملاتے رہو

ہوا مداح قرطاس و قلم ختمِ نبوّت کا میں جب کرنے لگا نغمہ رقم ختمِ نبوّت کا کسی بے دین کی کوشش سے جھک جائے نہیں ممکن رہے گا تا ابد اونچا علَم ختمِ نبوّت کا

آنکھ کی کھاری بوندوں میں اک میٹھا منظر طیبہ کا قبلہ رو منظر میں بیٹھا ہے ، پیغمبر طیبہ کا دیکھوں جس بھی سمت نظارے طیبہ ہی کے سارے ہیں دل والے گھر کی ہر کھڑکی طیبہ کی ، در طیبہ کا

دور سارے ہی جہانوں سے اندھیرا ہو گیا جب محمد مصطفی  آئے اجالا ہو گیا ڈر گیا اور دم دبا کر بھاگا باطل دیکھ لو آقا  آئے حق کا ہر سو بول بالا ہو گیا

عَلم ختمِ نبوت کا اٹھانا اچھا لگتا ہے ہمیں حق و صداقت کا ترانہ اچھا لگتا ہے جو ہم شام و سحر ختمِ نبوت کا ہیں دم بھرتے ہمیں اپنی یہ بخشش کا بہانہ اچھا لگتا ہے