اردو شاعری

نم ہوا خود نہ کوئی موج نتھاری تو نے عمر کس دجلۂ حیرت میں گزاری تو نے رحم ہر شخص کی آنکھوں میں نظر آتا ہے دیکھ حالت جو بنا دی ہے ہماری تو نے

تم پر یہ بالیقین ہے احسان کر دیا رب نے تمہیں بھی حافظ قران کر دیا خوش قسمتی ہے تیری خدا نے عطا یہ کی محفوظ تیرے سینے میں فرقان کر دیا

رسول پاک  کے ساتھی صحابہ خوبصورت ہیں وہ راہ حق کے سب راہی ، صحابہ خوبصورت ہیں رضائے رب ملی سب کو یقینا میرا ایماں ہے مہاجر ہوں یا انصاری ، صحابہ خوبصورت ہیں

مدت سے ہے یہ بات دل بیقرار میں ہو زندگی کی شام نبی کے دیار میں واللہ جو دلکشی ہے محمد کے شہر میں وہ دلکشی نہیں ہے کسی لالہ زار میں

بہاریں، پھول، خوشبوئیں، فضائیں، بھول جاتا ہوں وہ جب بھی پاس آ جائے انائیں بھول جاتا ہوں معافی مانگ لے کوئی یا کوئی گھر میں آ جائے مَحبّت میں ہوئی ساری خطائیں بھول جاتا ہوں

آج لفظوں سے دل لگی کرلے کچھ فراغت ہے شاعری کرلے باندھ لے تو خیال کی گرہیں قافیے جوڑ کر لڑی کرلے زندگی موج میں گزارے گا تو فقیروں سے دوستی کرلے

قدم جما کر دکھاؤں گا میں، یہ سر اٹھا کر دکھاؤں گا میں سسکتی انسانیت کے درد اور غم کو اک دن مٹاؤں گا میں نہ بھیک مانگوں گا میں کسی سے، نہ دن گزاروں گا بے بسی سے خود اپنے ہاتھوں کما کے کھاؤں گا اور سب کو کھلاؤں گا میں نہیں رکھوں گا…

اسلام ایک جسم ہے اور جان مدرسہ ہم اہلِ دیں کی آج ہے پہچان مدرسہ امید ہے کہ رب کی شریعت بنے نظام ایسی ہر اک امید کا امکان مدرسہ

دل کی دنیا ویران کر بیٹھے جب غلط تم بھی دھیان کر بیٹھے جس سے مائل ہوئے ہیں شر کی طرف کیسی غفلت جوان کر بیٹھے ؟

جو کرتا ہے شہ دیں کی اطاعت زندگانی میں وہی ہے کامیابی میں وہی ہے کامرانی میں رسول اللہ کی ناموس پر قربان ہوتا ہے کوئی بچپن میں کوئی پیری میں کوئی جوانی میں یہی دنیا تھی جو جنت کا نقشہ پیش کرتی تھی نبی کی حکمرانی میں نبی کی راج…