written naat sharif in urdu

رات گئے نعت سننے سنانے لگے ہم یوں اپنا مقدر جگانے لگے ان کی سرکار میں اپنا دل رکھ دیا جو نہ لگتے تھے وہ غم ٹھکانے لگے

ہے خیالِ مصطفی سے سب مری تاب و تواں مدحتِ سرکار سے ھے روح میری ضوفِشاں ذکرِ احمد سے زمانے میں مِری توقیر ھے ورنہ میں نامعتبر سب سے نکما، ناتواں

یہ خواہش جو رہتی جینے کی دل میں یہ آتش جو جلتی ہے سینے میں اپنے تمنا یہی ہے کہ ہو ایک خیمہ وہ خیمہ مدینے کی راہ میں سجا ہو یہ منظر بھی اپنا مقدر بنے اب شجر یہ دل و جاں پہ سایہ کرے اب

حسیں آقا سا دنیا میں کہیں چہرا نہیں ملتا مدینے کی فضا جیسا کہیں جلوا نہیں ملتا نظارہ شہر آقا  کا انوکھا ہے جہاں بھر میں کوئی بھی سبز گنبد سا کہیں پیارا نہیں ملتا

نبی آخر، عظیم و برتر رفیقِ انور، جلیل رہبر شفیع محشر، وہ جام کوثر روح ِمعطر، رخِ ِمنور

پیارے نبی ہیں سارے زمانے کے واسطے رب نے چنا پیام سنانے کے واسطے قسمیں خدا اٹھاتا ہے قرآں میں دیکھ لو رفعت نبی  کی سب کو بتانے کے واسطے

سیرتِ مصطفیٰ روشنی روشنی جو نبی نے کہا روشنی روشنی جب سے آنے لگے سیّد الانبیاء تب سے غارِ حرا روشنی روشنی

رب کی جانب سے یہ نعمت ہے ربیع الاول جس کو آقا  سے ہے نسبت ہے ربیع الاول اس مہینے ہی نبی پاک  تھے لائے تشریف جس میں آقا  ہوئے رخصت ہے ربیع الاول

ہوا مداح قرطاس و قلم ختمِ نبوّت کا میں جب کرنے لگا نغمہ رقم ختمِ نبوّت کا کسی بے دین کی کوشش سے جھک جائے نہیں ممکن رہے گا تا ابد اونچا علَم ختمِ نبوّت کا

بن کے آئے اس جہاں رہبر ، امام الانبیاء  میرے آقا اور ہیں سرور ، امام الانبیاء  وہ  سراپا نور ہیں لیکن بشر ہیں بالیقیں وہ  منور اور ہیں انور ، امام الانبیاء