urdu poetry sad

لمحہ لمحہ بکھر رہا ہوں میں جیسے قسطوں میں مر رہا ہوں میں سارے احباب ہیں خفا مجھ سے حق بیانی جو کر رہا ہوں میں

خواہشوں کو دل کے قبرستاں میں دفنایا گیا ایک مدت سے جہاں، کوئی نہیں آیا گیا عشق کرنے میں کوئی خامی نہیں ہے ،ہاں مگر اس ڈگر جو بھی چلا ،روندا ہوا پایا گیا

کچھ اور سست شب ِ انہدام ہو گئی ہے گھڑی کو تیز گھمایا تھا ، جام ہو گئی ہے گزر رہی ہے تو سوچا تمھیں بتائیں کیا یہ عمر کس کی تھی اور کس کے نام ہو گئی ہے

ہم اپنے گھر کا رستہ بھول کر صحرا میں آ نکلے بجھانے پیاس اپنی ریت کے دریا میں آنکلے کبھی چہرے بھی دیتے ہیں کھلا دھوکا نگاہوں کو تلاش دوستاں تھی ہم صف اعدا میں آنکلے

لبوں پر دشمنی کے تذکرے اچھے نہیں لگتے سماعت کو یہ کڑوے ذائقے اچھے نہیں لگتے مری آنکھوں میں ایسے جھلملاتے ہی رہیں آنسو چراغوں سے یہ خالی طاقچے اچھے نہیں لگتے

اتنے بڑے جہان میں تنہا رہا ہوں میں تنہاٸ کے دکھوں سے شناسا رہا ہوں میں مانوس ہو ہی جاٶں گا خلوت سے ایک دن ہر وقت اس خیال میں کھویا رہا ہوں میں

آنکھ حیران نہ ہو خواب کو مشکل نہ پڑے اس طرح ٹوٹ کہ اعصاب کو مشکل نہ پڑے کھول رکھتا ہوں گریبان ہمیشہ اپنا زخم دیتے ہوۓ احباب کو مشکل نہ پڑے

دل کی دنیا میں کھلبلی کیوں ہے ؟ تجھ کو دنیا سے دل لگی کیوں ہے ؟ چھوڑ دنیا کے سب صنم جھوٹے ان کی یادوں میں بے کلی کیوں ہے ؟ فانی دنیا کے عشق میں ڈوبے

خود سے الجھ رہا ہوں مجھے چھوڑ دیجیے خوش ہوں یا رورہا ہوں مجھے چھوڑ دیجیے ماضی کی دلفریب،حسیں،خوشنما تریں یادوں میں لاپتہ ہوں مجھے چھوڑ دیجیے

کٹ گئی ہے زندگانی ہم سفر کی آس میں مر ہی جائیں گے کسی دن چارہ گر کی آس میں طاقت پرواز جب سے چھین لی صیاد نے رینگتے رہتے ہیں پنچھی بال و پر کی آس میں کھا گئی سپنے غریبی اڑ گیا رنگِ شباب در بدر پھرتے رہے ہم اپنے گھر کی آس میں…