urdu poetry heart touching

مجھ پہ بھاری ہوئیں میری فرمائشیں بوجھ سی ہوگئیں بے سبب خواہشیں کیسے کہدوں میں غیروں سے جینے نہ دیں میرے ہمدرد و ہمفکر کی سازشیں

اے مولا درد سارے چھین کر خوشیاں عطا کر دے میرے بے چین اس دل کو سکوں سے آشنا کر دے کرم کی بارشیں برسا میری روح کے بیاباں پر کہ دھل جائے گناہ کی دھند، روشن ہو ہر اک منظر نظر آئے تیری قدرت مجھے ہر چیز کے اندر میرے دل کے نہاں خانوں میں…

رائیگانی کا دکھ سمجھتے ہو ؟ بے زبانی کا دکھ سمجھتے ہو؟ ساتھ رہتے ہیں مل نہیں سکتے آگ پانی کا دکھ سمجھتے ہو؟

کوئی جو بھی کہے، تم مان لو گے؟ بتاؤ اب میری، کیا جان لو گے؟ میں جتنے روپ بدلوں گا، یقیناً مجھے ہر بار تم پہچان لو گے۔

درد میں ہوں مبتلا میں دل میں تیرا زخم ہے تو نے مجھ کو دے دیا پر کتنا گہرا زخم ہے جس کو اپنا میں نے جانا وہ منافق بن گیا غیر کا ہرگز نہیں یہ میرا اپنا زخم ہے

اپنی نظروں کو جب بھی  اٹھاتا ہے وہ شاہسواروں کو پل میں گراتا ہے وہ چاند چھپ جائے شرما کے بادل میں یوں دھیمے لہجے سے جب مسکراتا ہے وہ

تعلقات سے پردے ہٹائے جاتے ہیں یہ دل، کہ ملتے نہیں ہیں ملائے جاتے ہیں جو غمگسار ہے اس کو سنائیں گے دکھڑے کہ ہر کسی کو کہاں غم سنائے جاتے ہیں

شکیب و صبر کے پیکر بھی آزمائے گئے جہاں میں آئے پیمبر بھی آزمائے گئے گزشتہ رات فقط اک مرا چراغ نہیں نُجُوم و ماہِ مُنوّر بھی آزمائے گئے

کچھ اور سست شب ِ انہدام ہو گئی ہے گھڑی کو تیز گھمایا تھا ، جام ہو گئی ہے گزر رہی ہے تو سوچا تمھیں بتائیں کیا یہ عمر کس کی تھی اور کس کے نام ہو گئی ہے

اٹھا لو اِس غنیمت سے کہ جو حصہ تمھارا ہے لٹا دو سب غریبوں میں کہ جو حصہ ہمارا ہے۔ مرے الفاظ مجھ سے اب، بغاوت کر نہیں سکتے کہ میں نے ان کی رگ رگ میں لہو اپنا اتارا ہے۔