attitude shayari in urdu

بہاریں، پھول، خوشبوئیں، فضائیں، بھول جاتا ہوں وہ جب بھی پاس آ جائے انائیں بھول جاتا ہوں معافی مانگ لے کوئی یا کوئی گھر میں آ جائے مَحبّت میں ہوئی ساری خطائیں بھول جاتا ہوں

آج لفظوں سے دل لگی کرلے کچھ فراغت ہے شاعری کرلے باندھ لے تو خیال کی گرہیں قافیے جوڑ کر لڑی کرلے زندگی موج میں گزارے گا تو فقیروں سے دوستی کرلے

تجھ کو اوقات بتاؤں گا کسی دن میں بھی تیرا گھر بار جلاؤں گا کسی دن میں بھی تو نے جس طرح مری روح کو تڑپایا ہے تجھ کو اس طرح ستاؤں گا کسی دن میں بھی

لفظ ساتھ دیں اگر تو زندگی ہے شاعری غم کی رات میں افق کی روشنی ہے شاعری نعت جب لکھوں یہ راز مجھ پہ آشکار ہو روح و جاں کے واسطے تازگی ہے شاعری

دل کی دنیا ویران کر بیٹھے جب غلط تم بھی دھیان کر بیٹھے جس سے مائل ہوئے ہیں شر کی طرف کیسی غفلت جوان کر بیٹھے ؟

مجھ پہ بھاری ہوئیں میری فرمائشیں بوجھ سی ہوگئیں بے سبب خواہشیں کیسے کہدوں میں غیروں سے جینے نہ دیں میرے ہمدرد و ہمفکر کی سازشیں

جن دلوں پر انا کے تالے ہیں کب کسی کے وہ ہونے والے ہیں تھی خبر ہم کو یار ڈس لیں گے پھر بھی وہ ناگ ہم نے پالے ہیں

اشک کیوں آنکھوں سے جاری ہے بتاؤں کیسے زندگی کیسے گزاری ہے  بتاؤں کیسے تیری یادوں کو جو سینے میں لیۓ پھرتا ہوں کس قدر بار یہ بھاری ہے  بتاؤں کیسے

تیرا ہر خواب حقیقت ہو، یہ جنت ہے کیا؟ تجھ کو ہر لمحے میں راحت ہو، یہ جنت ہے کیا؟ تجھ سے سب پیار کا اظہار کریں دنیا میں تجھ سے ہر ایک کو الفت ہو، یہ جنت ہے کیا؟

محفل میں اجالا ہو ایسا تیرے آنے سے دیکھے تجھے ھر کوئی مڑ مڑ کے بہانے سے چلتے رھو خود بھی تم حق راہ پہ ھی دائم شرماؤ کبھی بھی مت حق راہ دکھانے سے