اردو شاعری

فریب دے نہ زمانے کو پارسا نہ بنے اسے کہو کہ وہ بندہ بنے خدا نہ بنے وفورِ دولتِ دنیا تو عارضی شے ہے اسے کہو کہ تکبر میں باؤلا نہ بنے

قدرت کے شاہکار! مرے یار، آ کے مل تیرا ہے انتظار مرے یار، آ کے مل میرا تو آج تک نہ طلبگار تھا کوئی کس کی ہے یہ پکار؟ مرے یار! آ کے مل

میرا رب تتلیوں کے پر پہ رنگوں کو سجاتا ہے میرا رب جگنوؤں کو روشنی کرنا سکھاتا ہے میرا رب ان خلاؤں کے اندھیروں سے ڈراتا ہے میرا رب چاند تاروں سے سفر آساں بناتا ہے

امیرِ شام ، کاتب قرآن ہے معاویہ علی کا دوست اور حسن کا مان ہے معاویہ میرے نبی نے مہدی ہادی کہہ کے دی جسے دعا وہی میرے نبی کا ترجمان ہے معاویہ

ہر طرف ہے وبال وحشت کا دشت ہے ہم خیال وحشت کا ایک سا ڈر ہے روح و منظر میں دیکھیے اعتدال وحشت کا تیری رفتار تیز تر ہوگی دل سے کانٹا نکال وحشت کا

سرور دیتی ہے جاں کو گھٹا مدینے کی رُکی نہیں ہے کبھی بھی ہوا مدینے کی تمام عمر جہاں سے خفا رہا ہوں میں تمام عمر ہے مانگی دُعا مدینے کی

زمانے کی ہر چیز میں جو چھپا ہے وہ نورِ خدا ہے وہ نورِ خدا ہے یہ انسان حیواں چرندے پرندے وہی سبکا معبود سب اسکے بندے

شہروں میں بالیقین ہے مکہ عروج پر دنیا جہان سے اسے دیکھا عروج پر ظاہر میں لگ رہا ہے زمیں پر ہمیں مگر پیارے خدا کا لوگو ہے کعبہ عروج پر

موسم کے التفات کو ہیجاں سمجھ لیا بادِ سحر کو موجہء طوفاں سمجھ لیا تم سے بچھڑ کے عمر کے ہر موڑ پر مجھے کچھ فائدہ ہُوا بھی تو نقصاں سمجھ لیا

سارے صحافی ہو گئے سرکار کی طرف کیا خاک دیکھے ادمی اخبار کی طرف یہ ہے کرم خدا کا پہنچا دیا مجھے اس پار کے تھپڑوں نے اس پار کی طرف