اداس شاعری

ستم شعار زمانے نے حوصلے نہ دیے رہِ سیاہ پہ پھینکا ، مگر دیے نہ دیے بہت سے واقعے ایسے گزر گئے ہیں کہ جو ترے جمال کی عادت نے دیکھنے نہ دیے

رائیگانی کا دکھ سمجھتے ہو ؟ بے زبانی کا دکھ سمجھتے ہو؟ ساتھ رہتے ہیں مل نہیں سکتے آگ پانی کا دکھ سمجھتے ہو؟

غم چھپا کر مسکراتا ہوں سدا غمگین ہوں سب کو خوشیاں دے کے بھی میں خود رہا غمگین ہوں دردِ دل سے کس طرح تم کو کروں میں آشنا دور مجھ سے وہ ہوا؛ تھا آشنا غمگین ہوں

درد میں ہوں مبتلا میں دل میں تیرا زخم ہے تو نے مجھ کو دے دیا پر کتنا گہرا زخم ہے جس کو اپنا میں نے جانا وہ منافق بن گیا غیر کا ہرگز نہیں یہ میرا اپنا زخم ہے

غم کی دہلیز پہ تنہا ہوں میاں کوئی نہیں مجھ کو لگتا ہے بھلائی کا نشاں کوئی نہیں در بدر ایسے بھٹکتا ہوں ، مکاں کوئی نہیں اے خدا تیرے سوا میرا یہاں کوئی نہیں

ہوا سے دھند کا جیسے حصار ٹوٹتا ہے یہ زعم ِ دل بھی سر ِ کوئے یار ٹوٹتا ہے کبھی کبھی مجھے ہوتی ہے دشمنوں کی طلب کبھی کبھی تو کوئی اعتبار ٹوٹتا ہے

شکیب و صبر کے پیکر بھی آزمائے گئے جہاں میں آئے پیمبر بھی آزمائے گئے گزشتہ رات فقط اک مرا چراغ نہیں نُجُوم و ماہِ مُنوّر بھی آزمائے گئے

آشنائی کا اثاثہ بھی بہت ہوتا ہے بھیڑ میں ایک شناسا بھی بہت ہوتا ہے تم کو تفصیل میں جانے کی ضرورت ہی نہیں دکھ بڑا ہو تو خلاصہ بھی بہت ہوتا ہے ہم بھی کیا لوگ ہیں سب جھولیاں بھر لاتے ہیں بے یقینی کا تو ماسہ بھی بہت ہوتا ہے شکریہ…

کچھ اور سست شب ِ انہدام ہو گئی ہے گھڑی کو تیز گھمایا تھا ، جام ہو گئی ہے گزر رہی ہے تو سوچا تمھیں بتائیں کیا یہ عمر کس کی تھی اور کس کے نام ہو گئی ہے

خوشی کا ایک لمحہ اورغموں کا اک زمانہ کیوں میں اک لا چار بندہ ہوں مجھے اتنا ستانا کیوں محبت کے لبادے میں جفا تم نے جو کی ہم سے محبت کر نہیں سکتے تو کر نے کا بہانہ کیوں