urdu poetry broken heart

نہ سر پہ کوئی سایہ ، نہ پیٹ میں روٹی ہے بارود کی بارش میں تنہا ہے اکیلی ہے نہ کوئی کھلونا ہے، نہ کوئی سہیلی ہے بچی یہ فلسطیں کی یوں آگ سے کھیلی ہے

تم جدا ہوئے تو کیا، قربتیں نہیں گئیں دل سے اب بھی وصل کی خواہشیں نہیں گئیں ہجر یا وصال سب جاگ کر بسر ہوئے وقت کے بدلنے سے عادتیں نہیں گئیں

ہم ہیں دنیا سے بیزار سادہ صفت ہم سے عشق و محبت نہ فرمائیے جن کی خوشبو ہمارا سکوں چھین لے ایسے پھولوں کو پانی نہ پہنچائیے

کچھ اور سست شب ِ انہدام ہو گئی ہے گھڑی کو تیز گھمایا تھا ، جام ہو گئی ہے گزر رہی ہے تو سوچا تمھیں بتائیں کیا یہ عمر کس کی تھی اور کس کے نام ہو گئی ہے

خوشی کا ایک لمحہ اورغموں کا اک زمانہ کیوں میں اک لا چار بندہ ہوں مجھے اتنا ستانا کیوں محبت کے لبادے میں جفا تم نے جو کی ہم سے محبت کر نہیں سکتے تو کر نے کا بہانہ کیوں

ردی کے ڈھیر میں تھے پڑے بے شمار خط میرا بھی اس میں ڈال دیا اب کی بار خط عہدے وفا کا خط انہیں موصول جب ہوا ہونٹوں سےچوما اور پڑھا بار بار خط

اُتارتا ہوں ڈائری پر اک خیال کی تھکن کِسی کے ساتھ کے عروج اور زوال کی تھکن جو ایک جھوٹے دستخط پہ سینکڑوں کماتا ہے کہاں سمجھ سکے گا وہ بھلا حلال کی تھکن

آنکھ حیران نہ ہو خواب کو مشکل نہ پڑے اس طرح ٹوٹ کہ اعصاب کو مشکل نہ پڑے کھول رکھتا ہوں گریبان ہمیشہ اپنا زخم دیتے ہوۓ احباب کو مشکل نہ پڑے

دشت کو پُرفضا بناتے ہوئے عمر گزری شجر لگاتے ہوئے باغ میں خوش نوا پرندے ہیں لاج آتی ہے گُنگنُاتے ہوئے

یومِ مزدور ہے، مزدور کو چھٹی ہی نہیں سچ یہ مشہور ہے، مزدور کو چھٹی ہی نہیں کیسے دوں اس کو مبارک، میں خوشی کے دن کی دیکھ رنجور ہے، مزدور کو چھٹی ہی نہیں