urdu poetry 2 lines

اے لوگو سبھی متحد تم ہو جاؤ کہ جنت کی وادی کو جنت بناؤ خزاں کے پجاری شیطاں کو بھگاؤ بہار اخوت سے گلشن سجاؤ وہ صیاد کو سبق ایسا سکھا دو قفس توڑ کر سارے پنچھی اڑا دو

فریب دے نہ زمانے کو پارسا نہ بنے اسے کہو کہ وہ بندہ بنے خدا نہ بنے وفورِ دولتِ دنیا تو عارضی شے ہے اسے کہو کہ تکبر میں باؤلا نہ بنے

غموں کے گرداب میں گِھرا ہوں، مجھے بچا لے مرے خدایا مَیں تھک چکا ہوں، مجھے بچا لے کبھی تھا جس کو مَیں دل سے پیارا، بہت ہی پیارا اب اس کے دل کا ہی مسئلہ ہوں، مجھے بچا لے

قدرت کے شاہکار! مرے یار، آ کے مل تیرا ہے انتظار مرے یار، آ کے مل میرا تو آج تک نہ طلبگار تھا کوئی کس کی ہے یہ پکار؟ مرے یار! آ کے مل

میرا رب تتلیوں کے پر پہ رنگوں کو سجاتا ہے میرا رب جگنوؤں کو روشنی کرنا سکھاتا ہے میرا رب ان خلاؤں کے اندھیروں سے ڈراتا ہے میرا رب چاند تاروں سے سفر آساں بناتا ہے

ہر طرف ہے وبال وحشت کا دشت ہے ہم خیال وحشت کا ایک سا ڈر ہے روح و منظر میں دیکھیے اعتدال وحشت کا تیری رفتار تیز تر ہوگی دل سے کانٹا نکال وحشت کا

سرور دیتی ہے جاں کو گھٹا مدینے کی رُکی نہیں ہے کبھی بھی ہوا مدینے کی تمام عمر جہاں سے خفا رہا ہوں میں تمام عمر ہے مانگی دُعا مدینے کی

شہروں میں بالیقین ہے مکہ عروج پر دنیا جہان سے اسے دیکھا عروج پر ظاہر میں لگ رہا ہے زمیں پر ہمیں مگر پیارے خدا کا لوگو ہے کعبہ عروج پر

موسم کے التفات کو ہیجاں سمجھ لیا بادِ سحر کو موجہء طوفاں سمجھ لیا تم سے بچھڑ کے عمر کے ہر موڑ پر مجھے کچھ فائدہ ہُوا بھی تو نقصاں سمجھ لیا

سارے صحافی ہو گئے سرکار کی طرف کیا خاک دیکھے ادمی اخبار کی طرف یہ ہے کرم خدا کا پہنچا دیا مجھے اس پار کے تھپڑوں نے اس پار کی طرف